add jan Telakoman

collections/lipu-pi-jan-telakoman.yaml

@@ -0,0 +1,13 @@
+name: "lipu pi jan Telakoman"
+items:
+  - plaintext/2020/05/kepeken-pi-toki-inli.md
+  - plaintext/2020/06/sitelen-pona-pona-luka.md
+  - plaintext/2020/06/pana-sona-ale.md
+  - plaintext/2021/03/lipu-pi-open-pali.md
+  - plaintext/2021/03/ma-pi-nimi-pona.md
+  - plaintext/2021/03/toki-pona-li-sama-ala-sitelen-sonko.md
+  - plaintext/2021/06/wawa-ante-pi-toki-pona.md
+  - plaintext/2021/07/jan-ekite-ala.md
+  - plaintext/2021/10/suno-pi-toki-pona.md
+  - plaintext/2021/12/toki-lili-lon-ma-kasi.md
+  - plaintext/2023/10/lipu-pi-jan-luka-15.md

plaintext/2020/05/kepeken-pi-toki-inli.md

@@ -0,0 +1,14 @@
+---
+title: '"sina kepeken toki Inli sama jan nasa tan seme?"'
+authors:
+  - jan Telakoman
+date: '2020-05-31'
+sources:
+  - https://joelthomastr.github.io/tokipona/kepeken-pi-toki-inli_si
+---
+
+toki mama mi li toki Inli. mi ken kepeken toki Inli lon nasin pona. taso kulupu lipu ni la mi wile pali e ijo ante. mi wile pana e lukin ni tawa jan ale: jan li kepeken toki pona tawa ale la seme li kama lon?
+
+mi sitelen e lipu sin la mi kepeken toki pona. ni li pini la mi ante e lipu tawa toki Inli. mi ante e lipu la mi wile e ni: nasin toki lon lipu pi toki Inli li weka ala tan lipu sama pi toki pona.
+
+mi wile e ni tan ni: ken la jan li lukin e lipu mi la ona li sona ala e toki pona. mi wile pana e lukin ni tawa ona: toki pona li nasin seme?

plaintext/2020/06/pana-sona-ale.md

@@ -0,0 +1,138 @@
+---
+title: jan li ken pana e sona ale kepeken toki pona
+authors:
+  - jan Telakoman
+date: '2020-06-19'
+sources:
+  - https://joelthomastr.github.io/tokipona/pana-sona-ale_si
+preprocessing: removed table of contents
+---
+
+> mi en jan Kapu (Gabriel Mizrahi) li pona e lipu ni.
+
+## jan li kepeken toki pona la ni li pona tawa ona tan seme?
+toki pona li toki sin. toki sin li seme? toki sin anu toki pali li ni: jan li pali e toki sin kepeken lawa ona. jan li kama sona ala e toki sin tan mama ona.
+
+toki sin mute li lon. taso toki pona li sama ala toki sin ante. ni li tan seme? ante la jan li kepeken toki pona la ni li pona tawa ona tan seme?
+
+tenpo pini mute la jan Sonja li toki e ni lon [lipu](https://web.archive.org/web/20200225200022/http://tokipona.net/tp/janpije/whytokipona.php): toki pona li pona tan seme? lipu ni la jan Sonja li toki e ijo pona mute pi toki pona. ijo wan pi ijo pona mute li ni: jan li wile kepeken toki pona la ona li wile sona e ni: sona seme li lon insa pi toki ona? jan li sona ala e ni la ona li ken ala toki kepeken toki pona.
+
+mi pilin e ni: toki ni pi jan Sonja li lon. toki mama la toki ni li lon ala. jan li kepeken toki mama la ken la ona li sona ala e ni: sona seme li lon insa pi toki ona?
+
+toki mama li sama tomo tawa. jan mute li ken kepeken tomo tawa. taso insa sinpin pi tomo tawa la ilo tawa pi tomo tawa li lon. jan pi mute lili li sona e ni: seme li lon insa pi ilo tawa ni? ilo tawa li tawa e tomo tawa kepeken nasin seme? jan pi mute lili li sona e ni.
+
+toki mama li sama ni. jan mute li sona e nasin ni: ona li kepeken toki mama tawa wile ona. ona li kama jo e ijo wile ona la ona li pilin pona. taso ken la ona li sona ala e ni: sona seme li lon insa pi toki ona?
+
+toki mama la ni li ken lon tan seme? jan li kepeken toki mama la ona li kepeken nimi mute. tenpo mute la nimi tu li jo e kon sama. taso jan li sona ala e ni. insa pi lawa ona la ona li toki e ni: "nimi mute li lon. ni la ijo mute li lon." taso lon la ijo wan li lon.
+
+toki mama li jo e nimi mute tawa kon sama. ni li ike tan seme? ni li ike tan ijo mute. mi pana e ijo tu tan ijo mute ni.
+
+ijo nanpa wan li ni:
+
+jan li sona lili e kon nimi la sona ona li ken pakala. jan li wile sona e ni: seme li lon? seme li lon ala? taso jan li sona lili e kon nimi la ona li ken sona ala e ni. jan li sona ala e ni la ona li ken ala pali e pona tawa ona sama anu jan ante.
+
+ijo nanpa tu li ni:
+
+tenpo mute la jan li sona e toki pi jan ante lon toki mama. taso sona ona li pona ala. ken la nimi wan li pana e sona suli anu sona mute. ken la sona ni li ante lon insa lawa pi jan ante.
+
+jan li kepeken nimi suli la ona li ken pakala. jan nanpa wan li toki e ijo kepeken nimi suli la jan nanpa tu li toki e ni lon insa pi lawa ona: mi sona e nimi suli ni. taso ken la sona ona pi nimi suli li sama ala sona pi jan nanpa wan. jan nanpa tu li toki e ni tawa jan nanpa wan: mi sona e toki sina. taso jan nanpa tu li sona ala. sona ona li sona pakala.
+
+tenpo kama la jan nanpa tu li pali pakala tan ni: ona li kepeken sona pakala. sona ona li pakala tan ni: jan nanpa wan li kepeken nimi suli la jan nanpa tu li sona ala e kon pi nimi suli ni. taso jan nanpa tu li sona ala e ni: sona ona li pakala tan seme?
+
+jan li kepeken toki pona lon nasin pona la ijo ike tu ni li lon ala.
+
+taso wile sona ni li lon: jan li ken ala ken toki e ale kepeken toki pona?
+
+## jan mute li toki e ni: jan li ken ala toki e ale kepeken toki pona
+
+[lipu](https://web.archive.org/web/20200225200022/http://tokipona.net/tp/janpije/whytokipona.php) pi jan Sonja la ona li toki e ni: ijo suli mute li lon sama ni: jan li ken ala pana e sona ona kepeken toki pona. jan Lope li [toki sama ona](https://htmlpreview.github.io/?https://raw.githubusercontent.com/jan-Lope/Toki_Pona_lessons_English/gh-pages/toki-pona-lessons_en/index.html#SECTION00210000000000000000).
+
+jan Sonja en jan Lope li sona pona e toki pona. mi jan sin pi toki pona. taso toki ni li ike tawa mi. toki ni li lon la mi pilin ike. mi wile e ni: toki ni li lon ala. mi pilin e ni tan seme?
+
+toki pona li sama tomo. tomo li jo e lupa kama e lupa lukin e selo poka e selo lawa. taso jan li pali e tomo sin la ona li open e pali ona lon nasin ni: ona li pali e supa kiwen lon ma. ni li wawa e noka tomo. nanpa wan la jan li pali e supa noka pona. tenpo kama la ona li pali e selo poka e selo lawa e lupa kama e lupa lukin. supa noka li awen e ijo ante ale lon tomo.
+
+toki pona li jo e supa noka sama ni. jan Sonja en jan mute ante pi toki pona li pali e toki pona la ona mute li jo e toki suli. ona mute li pali e toki pona la toki suli ni li pana e nasin tawa ona mute. toki suli ni li pona la toki suli ni li pana e nasin pona. nasin li pona la toki pona li kama pona. mi toki e ni: toki suli ni li sama supa kiwen pi noka tomo. toki suli ni li supa noka pi toki pona.
+
+supa noka pi toki pona li seme? ijo mute li lon supa noka pi toki pona. ijo wan li ni: sona suli pi lawa jan li suli lukin taso. sona pi suli lukin li suli ala. lon la sona pi suli lukin li kulupu pi sona lili mute.
+
+jan li toki e ni la mi pilin ike: toki pona li ken ala pana e sona ale. mi pilin ike tan ni: toki ni li utala e supa noka pi toki pona.
+
+taso jan mute li toki e ni: jan li ken ala pana e sona suli kepeken toki pona. ni li lon la mi pilin e ni: toki pona li pona ala tawa supa noka ona. taso mi toki e ni: jan li ken pana e sona suli ale kepeken toki pona.
+
+## toki ni li lon anu seme?
+jan li ken ala ken toki e sona lili kepeken toki pona? ona li ken. ona li ken ala ken pana e linja tan sona lili tawa sona lili ante? ona li ken. ona li ken ala ken kulupu e sona mute kepeken nasin ni? ona li ken.
+
+ni li lon la jan li ken pana e sona suli kepeken toki pona. taso jan mute li toki e ni: jan li ken ala. ona mute li toki e ni tan seme?
+
+ken la ona mute li toki e ni tan ni:
+
+jan li wile toki kepeken toki pona la ona li toki lon insa pi lawa ona kepeken toki mama. ken la ona li alasa e nimi anu kulupu nimi wan pi toki pona tawa nimi wan pi toki mama. kulupu jan mute pi toki pona la mi lukin e ni: jan li toki sama ni tawa jan sona pi toki pona: "mi toki e ni kepeken toki pona la mi wile kepeken nimi seme?" jan sona li pana e nimi pona tawa ona.
+
+taso tenpo mute la ni li lon: jan li kepeken nimi pona lon toki pona la jan ante li sona ala e toki ona. ni li tan ni: toki pona la nimi wan li nimi pona tawa ijo ante mute. tenpo mute la ni li lon: jan nanpa wan li kepeken nimi pona. taso jan nanpa tu li sona ala e ni: jan nanpa wan li kepeken nimi ni tawa ijo seme? kon toki pi jan nanpa wan li seme?
+
+pini la jan mute li toki e ni: jan li ken ala pana e sona suli kepeken toki pona. taso mi la toki ni li lon ala.
+
+mi jan pi ante toki. ni li pali mi tawa mani. mi pali e ante toki la mi pali e ni: mi lukin e lipu. mi kama jo e sona pi lipu ni. mi sitelen e sona sama lon toki ante. mi ken pali e ijo sama lon nasin toki uta. mi pali e pali ni lon tenpo mute.
+
+jan pi ante toki li lukin e nimi la ona li wile pana e kon sama lon nasin toki ante. ona li toki e ni: nimi ni li pana e sona seme? taso jan pi ante toki li ken ala pali e ni taso. ante la ona li wile toki e ni: nimi ni li pana e sona seme lon poka pi toki ante ale lon lipu ni?
+
+nimi li sama poki pi ijo sona mute. jan li toki la ona li kepeken nimi. jan li kepeken nimi wan la ona li wile pana e ijo sona wan. taso ona li wile pana e ijo sona wan taso tan insa poki. tenpo wan la ona li pana e ijo sona wan tan insa poki. tenpo ante la ona li pana e ijo sona ante tan insa poki.
+
+jan tu li toki la jan nanpa wan li kepeken nimi. jan nanpa tu li wile sona e ni: jan nanpa wan li wile pana e ijo sona seme tan insa poki pi nimi ni? jan nanpa tu li ken sona e ni kepeken nasin seme? jan nanpa tu li lukin e toki ale pi jan nanpa wan. jan nanpa wan li toki ala kepeken nimi wan. ona li kepeken nimi mute lon toki ona. jan nanpa tu li lukin e toki ale pi jan nanpa wan la ona li ken sona e ni: jan nanpa wan li pana e ijo sona seme tan insa poki nimi.
+
+toki pona la ni li sona suli. jan li sona ala e sona suli ni la ona li ken pakala. ni li sona suli tan seme? nimi wan pi toki mama li sama poki lili pi ijo sona. mute pi ijo sona ni li lili. taso toki pona la nimi wan li sama poki suli pi ijo sona. mute pi ijo sona ni li mute.
+
+toki mama la jan nanpa wan li ken toki lili. jan nanpa tu li ken sona e kon pi toki ona. taso toki pona la jan nanpa wan li wile toki mute. jan nanpa wan li toki lili la jan nanpa tu li ken ala sona e kon pi toki ona.
+
+## nasin pana pi sona suli kepeken toki pona
+sona suli li sama poki suli pi ijo lili mute. jan li luka e poki ni la ona li toki e ni: "poki ni li suli a, mi ken ala tawa e ona." taso ona li open e poki la ona li lukin e ni: ijo lili mute li lon insa poki. jan li ken weka e ijo lili ni tan poki. tenpo kama la ona li sona e ni: poki suli ni li suli lukin taso. lon la ona li suli ala.
+
+jan li ken tawa e poki suli kepeken nasin ni: ona li open e poki li tawa e ijo lili. tenpo kama la ona li tawa e poki. tenpo kama la ona li ken pana sin e ijo lili tawa insa ona.
+
+mi toki e ni: jan li ken pana e sona ale kepeken toki pona. taso jan li wile kepeken nasin pona tawa ni.
+
+### o pana e lawa sina tawa ni taso: jan lukin li kama sona e seme?
+
+pali pi ante toki li nasin seme? jan mute li sona pona ala e pali pi ante toki. jan mute li toki e ni: mi pali pona e ante toki la mi wile kepeken nimi pi mute sama lon toki nanpa tu. mi wile kepeken linja toki pi mute sama lon toki nanpa tu. lipu lon toki nanpa wan li kepeken toki lili la lipu lon toki nanpa tu li wile kepeken toki lili sama. lipu lon toki nanpa tu li wile kepeken nimi pi mute sama tawa pana pi sona sama. taso ni li lon ala.
+
+ijo suli li ni taso: jan li lukin e lipu pi toki nanpa wan la ona li sona anu pilin e ijo wan. jan li lukin e lipu lon toki nanpa tu la ona li sona anu pilin e ijo sama anu seme? pali pi ante toki la ni taso li suli. ijo ante li suli ala. mute toki anu mute nimi anu mute pi linja toki li suli ala.
+
+sina pali e pali pi ante toki lon toki pona la o weka ala e sona ni tan lawa sina.
+
+### o alasa ala e kulupu nimi wan lon toki pona tawa nimi wan pi toki mama sina
+
+o alasa ala e nimi anu kulupu nimi wan tawa nimi pi toki mama sina. o alasa e nasin pona pi pana sona.
+
+nimi pi toki mama sina li sama poki suli. o open e poki suli ni. o lukin e ijo sona mute lon insa ona. o weka e ijo wan. o pana e sona pi ijo wan ni lon toki pona.
+
+o lukin sin e insa pi poki suli. o weka e ijo wan sin. o pana e sona pi ijo ni lon toki pona. o pali e ni tawa ijo lili ale lon insa pi poki suli.
+
+pini la o kulupu e sona pi ijo lili ale ni lon toki pona.
+
+### o toki ala e ni: mi kepeken nimi mute la ni li ike
+
+toki mama la ijo ale li jo e nimi. mi toki e ijo kepeken toki mama la mi ken kepeken nimi ona. taso toki pona la mi wile pana e kulupu nimi sin tawa ona.
+
+ken la jan lukin li sona e lipu pu taso. mi wile e ni: jan sama ni li ken sona e kon pi toki mi kepeken wawa lawa lili. ni la mi wile pana e sona pi kulupu nimi sin ale.
+
+tawa ni la mi wile sitelen e nimi mute. mi kepeken toki mama la mi ken kepeken nimi pi mute lili. taso toki pona la mi wile sitelen e nimi pi mute suli. ni li nasa lukin ala tan ni: ni li nasin pi toki pona.
+
+insa pi toki mama la nimi pi mute seme li lon? toki mama ale li ante. toki Inli la jan mute li toki e ni: toki Inli li jo e nimi pi mute ni: tenpo ale ale la ale. ni la nimi wan pi toki mama li ken pana e sona mute. ni la sina ken pana e sona kepeken nimi pi mute lili.
+
+taso toki pona la nimi pi mute seme li lon? mute nimi pi toki pona li sama ni: ale mute luka. ni la nimi wan pi toki pona li ken pana e sona lili taso. ni la mi wile kepeken nimi mute tawa pana sona.
+
+jan li kepeken nimi mute lon toki pona la ni li nasa ala. mi la toki sama ni li nasa: "mi ken kepeken nimi wan lon toki pona tawa nimi wan pi toki mama. jan lukin li ken sona e kon pi toki mi."
+
+o toki ala e ni: mi kepeken nimi mute lon toki pona la ni li ike. sina wile pana e sona kepeken toki pona la nasin ante li lon ala.
+
+## toki pini
+
+mi toki e ni: jan li ken pana e sona ale kepeken toki pona. taso tawa ni la ona li wile kepeken nasin pona.
+
+mi toki e ni: sina sitelen e lipu lon toki pona la ijo suli li ni: jan li sona e lipu pu taso la ona li ken ala ken sona e kon pi toki sina?
+
+tawa ni la o toki ala e ni: "mi kepeken nimi wan tawa nimi wan pi toki mama mi la ni li pona." toki pona li jo e nimi pi mute lili. nimi wan li ken ala pana e sona mute.
+
+o toki ala e ni: "mi kepeken nimi mute la ni li ike." nasin pona pi toki pona li wile e ni.
+
+sona suli li lon ala. sona pi suli lukin li ni taso: poki suli pi sona lili mute. toki wan la o pana e ijo sona lili. sina pana e ijo sona lili ale la o pana e linja lon insa pi ona ale. kepeken nasin ni la sina ken pana e sona ale kepeken toki pona!

plaintext/2020/06/sitelen-pona-pona-luka.md

@@ -0,0 +1,44 @@
+---
+title: sitelen pona pona luka
+authors:
+  - jan Telakoman
+date: '2020-06-02'
+sources:
+  - https://joelthomastr.github.io/tokipona/sitelen-pona-pona-luka_si
+---
+
+[sitelen pona pona](https://jackhumbert.github.io/sitelen-pona-pona/) li sitelen ante lili tan [sitelen pona](http://tokipona.net/tp/janpije/hieroglyphs.php). taso ona li pona mute tawa mi.
+
+taso mi wile sitelen kepeken wawa lili kepeken tenpo lili tan ni: mi wile sitelen ale tan lawa mi kepeken toki pona. mi wile kepeken e toki pona lon tenpo suno ale.
+
+## sitelen pona pona luka nanpa wan
+
+mi pali e ni kepeken nasin ni: mi lukin e ijo suli lon insa ijo sitelen ale. mi pali e kulupu mute tan sitelen ale. tenpo kama la mi ante e sitelen ale tawa ni:
+- mi kepeken linja wan tawa sitelen wan
+- mi sitelen kepeken tenpo lili la luka mi li pilin ike ala
+- mi sitelen kepeken tenpo lili la mi toki ala e ni: "sitelen ni li seme? mi sona ala."
+
+![sitelen pona pona luka nanpa tu](https://joelthomastr.github.io/tokipona/sppl-v1.png)
+
+## sitelen pona pona luka nanpa tu
+
+tenpo kama ona la mi toki insa e ni: sitelen nanpa lili la li ike lili.
+
+tan ni mi ante e sitelen nanpa lili:
+
+![ijo ante pi sitelen pona pona luka nanpa tu](https://joelthomastr.github.io/tokipona/sppl-v2-differences.png)
+
+lon poka sitelen ale la mi sitelen e tan tawa ante:
+- Clearer: sina ken sona e ni: sitelen ni sitelen seme? sina toki ala e ni: sitelen ni li sama sitelen ante
+- Easier: mi sitelen e ona la luka mi li pilin pona
+- Aesthetics: lukin ona li pona tawa mi
+
+mi wile e ni: lon poka sitelen mi nanpa wan la ni li pona tawa sina.
+
+lon anpa ni la mi pana e sitelen lukin. sina ken lukin e sitelen ale pi sitelen pona pona e sitelen ale pi sitelen pona pona luka lon tenpo sama:
+
+![sitelen pona pona luka nanpa tu](https://joelthomastr.github.io/tokipona/sppl-v2-basic.jpg)
+
+ken la mi ante e sitelen mi lon tenpo ante. taso ijo suli li lon la mi wile pali e ni. ken la sina kepeken e sitelen mi la sina lukin e ijo ike. ni la o toki tawa mi. [lipu tomo](https://joelthomastr.github.io/tokipona) la mi pana e nasin toki tawa sina.
+
+o pona!

plaintext/2021/03/lipu-pi-open-pali.md

@@ -0,0 +1,61 @@
+---
+title: lipu pi open pali
+authors:
+  - jan Telakoman
+date: '2021-03-06'
+sources:
+  - https://joelthomastr.github.io/tokipona/lipu-pi-open-pali_si
+  - https://joelthomastr.github.io/tokipona/lipu-pi-open-pali_LANGCODE
+preprocessing: fixed the sitelen Lasina version based on the source version
+notes: internal page, not linked to from anywhere
+---
+
+# toki lawa
+
+ni li lipu mi tawa ni: mi wile sitelen e lipu sin la mi kepeken lipu ni. mi open e pali mi tawa lipu sin la mi kepeken lipu ni. ni la mi pana e nimi ni tawa ona: lipu pi open pali.
+
+open la mi kepeken lipu pi open pali lon nasin ni: lipu ni li lipu mama. mi wile ala ante e lipu mama. ni la mi kepeken ilo pi pali sama. ilo ni li lukin e lipu mama li pali e lipu sin sama lipu mama. ni la mi kepeken ala lipu mama, mi kepeken lipu sin.
+
+## nasin pali kepeken lipu pi open pali
+
+nanpa wan la o sitelen e lipu sin mi lon lipu pi open pali.
+
+nanpa tu la o pana e lipu pi open pali tawa ilo pi ante nasin. ilo ni li lukin e lipu pi open pali li pali e lipu pini lon nasin sitelen ale pi kulupu lipu pi jan Telakoman. ilo pi ante nasin li pali e lipu pini tawa:
+- sitelen Lasina
+- sitelen pona
+- sitelen pona pona
+- sitelen telo
+- sitelen pilin
+
+## ijo suli pi lipu pi open pali
+
+### nanpa wan
+
+lipu pi open pali la mi kepeken ala poki nimi pi sitelen pona tawa nimi. mi kepeken sitelen suli lon sitelen Lasina. ni li tan ni: mi wile sitelen kepeken tenpo lili. poki nimi li wile e tenpo mute. ilo pi ante nasin li ante e nimi lon sitelen Lasina tawa poki nimi pona.
+
+taso tawa ni la mi kepeken lipu lili pi nimi ni:_tpforeignwords.txt. ilo pi ante nasin li lukin e lipu ni li kepeken sona ni tawa poki nimi. mi kepeken nimi sin la mi wile sitelen e ni lon lipu lili.
+
+### nanpa tu
+tenpo ale la o kepeken sitelen pi kama mute (+) tawa pi suli. ni li tan ni: sitelen pi kama lili (-) li wile tawa ijo ante mute lon kulupu lipu mi.
+
+### nanpa tu wan
+o kepeken sitelen ilo pona tawa ilo pi ante nasin.
+
+- lawa la o pana e sitelen \<span class="lp"\>. noka la o pana e sitelen \</span\>. ilo pi ante nasin li ante e sitelen lp lon lipu ale pi nasin sitelen ante. o kepeken ala div. ni li pakala e lipu.
+- sina wile kepeken sitelen Lasina la o kepeken sitelen ni:\<span class="lpdef"\>\</span\>
+- sina ken pana e nimi wawa lon lipu. (nimi wawa li ni: kule ona li ante. nimi jan li lukin e ona la ona li sona e ni tan kule ona: ona li luka e ona la ona li ken lukin e lipu ante. ona li lukin e ona la ilo li open e lipu pi nimi wawa.) sina pana e nimi wawa tawa lipu lon kulupu lipu ni la o kepeken sitelen ni lon pini ona: _LANGCODE. ilo pi ante nasin li ante e ona tawa sitelen lili pi nasin sitelen pi lipu pini.
+
+
+## sona pona
+
+sitelen lili pi nasin sitelen ale li ni:
+
+| nasin sitelen     | sitelen lili |
+| ----------------- | ------------ |
+| sitelen Lasina    | si           |
+| sitelen pona      | lp           |
+| sitelen pona pona | spp          |
+| sitelen telo      | st           |
+| sitelen pilin     | se           |
+
+sitelen lili ale ni li nasa lili. ni li tan ni: tenpo pini mute la mi open e kulupu lipu mi la mi kepeken nimi ante tawa nasin sitelen ale ni. tenpo ona la mi kepeken sitelen open pi nimi ni. taso tenpo kama ona la mi kama sona e ni: sona mi pi nimi mute li pakala. tenpo ni la mi kepeken nimi pona tawa nasin sitelen ale. taso mi ken ala ante e sitelen lili lon kulupu lipu mi kepeken wawa lili.

plaintext/2021/03/ma-pi-nimi-pona.md

@@ -5,6 +5,7 @@ authors:
 date: '2021-03-01'
 license: CC-BY-SA 4.0
 sources:
+- https://joelthomastr.github.io/tokipona/ma-pi-nimi-pona_si
 - https://liputenpo.org/pdfs/0002mun.pdf
 - https://liputenpo.org/lipu/nanpa-mun/
 - https://commons.wikimedia.org/wiki/File:Lipu_tenpo_nanpa_mun_-_ma_pi_nimi_pona.png