olin li seme.txt

jan mute li toki e ni: olin li suli nanpa wan. taso jan ante mute li pilin pona kepeken ala olin. kin la, sona olin li ken ike lukin tawa ona. mi kute e toki ni: "mi wile sona e ni tan jan: olin li pilin seme? ona li toki e pilin ni: ona li sama pilin monsuta tawa mi." jan ni li awen ken jo e jan pona, li awen ken wile unpa.
jasima la, sona pi jan mute la, olin li tawa jan wan taso. jan ale o kama lon tu olin lon tenpo ale (anu tenpo pi lon pi jan olin). taso jan mute li olin e jan mute, li pilin pona lon kulupu olin. ilo lukin pi kulupu olin li lon. jan li pana e nimi jan e linja olin lon ona la, ona li sitelen tawa e ona. olin pi jan tu li wawa la, ona li wile poka. olin li wawa lili anu lon ala la, ona li wile weka. jan li ken tawa e jan. ilo li tawa e jan ale ante tawa awen pi suli linja. ona li musi a! nimi li ken lon linja kin. ni li pona tawa pana sona pi nasin olin. linja li ken pakala. ma toki Kita pi ilo ni la, ona li pana e sona ni: nasin olin li lili a, li ken olin ala. ma sama la, jan li ante e sitelen tawa nimi la, ona li toki e kon ni pi linja pakala. taso mi sona ala e ni: mi ken ante e sitelen tawa nimi kepeken nasin seme.
awen la, olin li seme? ona li telo pilin taso lon insa lawa anu seme? ken la tu olin li pona tawa awen pi kulupu suli jan. soweli ante li unpa mute, li awen pi pona ala e soweli lili. ni la, soweli mute li kama lon, li moli. taso soweli ante li unpa lili taso, li awen mute a e soweli lili ona pi mute lili. nasin ni li lon la, mama o weka ala. ni la, olin li pona. pilin ike suli tan pakala olin li pona tawa ni kin, tan ni: jan li wile awen lon olin tawa awen pi pilin pona. taso ni li pona lon tenpo pini weka. tenpo ni la, jan li ken mama ala e jan lili, li awen pona. taso nasin sewi pi suli nanpa wan (anu nasin pi jan Jesu) la, jan o lon tu olin. kin la, unpa o tawa pana taso pi jan lili. ni la, jan pi olin pi kule kon sama en jan pi olin pi jan mute li ike. taso jan pi nasin ni pi mute meso li pilin ante. awen la, jan pi olin ante li pilin ike tawa nasin sewi ni. tenpo pini la, nasin sewi Intu la, jan mije pi mani mute li lon kulupu olin pi jan meli mute. taso tenpo sike nanpa 1955 la, lawa li ken ala e ni. nasin sewi Isulan li awen pana e ken.